7 نصائح لحياة زوجية سعيدة

السعادة احساس كلنا بنطاردة طول حياتنا كثير بنحاول نفهم معنى السعادة و احيانا كتير بنحصر سعادتنا في حاجات بعينها و بنربط احساسنا بالسعادة بحصولنا على الحاجات دي. و الجواز حاجة منهم. كتير من البنات بتربط سعادتها في الحياة بانها تتجوز. و بتعلق كل سعاتدها بالجواز او بمعنى اصح بالصورة اللي هي رسماها للحياة الزوجية. بانها حياة وردية و جميلة و كلها سعادة و مرح و بس.

المشكلة بقى بتحصل لما البنت تتجوز و تكتشف ان الصورة اللي هى رسماها عن الجواز كانت مش صح و ان الحياة الوردية اللي كانت رسماها في دماغها مش لاقياها. ومع الوقت المسئوليات بتزيد و المتطلبات الحياة بتزيد معاها و شوية بشوية احساسنا بالسعادة بيقل. لكن السؤال هنا ازاي ممكن ارجع الاحساس بالسعادة في الجواز.

7 نصائح عشان السعادة الزوجية

1 – احرصى على ان تبدأي اليوم بجملة ايجابية تقوليها له الصبح و تجنبي اثارة اي مواضيع قد تثير خلاف بينكم في بداية اليوم.

2- مع تطور تكنولوجيا الاتصالات بقى في طرق كتير جدا للتواصل بينكم خلال الفترة اللي بيكون فيها في الشغل حتى لو شغله مش بيسمح انه يستقبل مكالماتك. ابعتى رسالة بسيطة ليه من الوقت للتاني. ده هيخلى في اتصال دائم بينكم.

3- خدي بالك من الحاجات اللي ممكن تقلل التواصل بينكم و انتي مش واخدة بالك يعني بلاش تاكلوا قصاد التليزيون و كل واحد متابع المسلسل و مش مركز مع التاني, اقفلي التليفزيون اثناء تناولكم الطعام ده هيوفر فرصة ليكم للتواصل و كل واحد هوجة انتباهه للتاني و هتلاقوا حاجات كتير تتكموا فيها مع بعض

4- مهما كانت الحياة زحمة و مسئولياتكم كتير لازم تخرجوا مع بعض من وقت للتاني. ده هيوفر ليكم فرصة تصلوا من المشاغل شوية و تعيدوا تركيزكم على بعض تاني.

5- اشكريه على الحاجات اللي بيعملها مهما كانت بسيطة.

6- قدمي ليه هدية بسيطة من وقت للتاني. فكرية بانك مقدرة اللي بيعمله عشانك و اتأكدي انك لو عملتي كده هتشجعيه انه يعمل اكتر.

7- التواصل الجيد مهم جدا, حاولي توصليله مشاعر اول باول. ماتخليش حاجة مضايقاقى و مش تقوليله عليها. الهدوء و التواصل المشترك مهم جدا لتجنب المشكلات.

زواج

Posted by Unknown in زواج

7 نصائح لحياة زوجية سعيدة

اجرى ورا حلمك...( MOTIVATIONAL VIDEO )

اجرى ورا حلمك كمل المشوار. مش عيب تقع و تقوم. اغلط و اتعلم و اغلط تاني عشان تتعلم تاني. ماتوقفش مكانك طول ما الطريق قدامك......

VIDEO

Posted by Unknown in VIDEO

اجرى ورا حلمك...( MOTIVATIONAL VIDEO )

10 نصائح عشان تكون شخص ناجح في حياتك

كلنا بنتمنى النجاح في حياتنا, بنحلم ننجز اكثر في شغلنا بنحلم بفلوس اكثر وشبكة اجتماعية اقوى و اوسع, باختصار النجاح في الحياة عموما حلم كل الناس .

لكن ايه السبب وراء ان في ناس بتنجح فعلا و بنشعر انها ناجحة في كل جوانب حياتها في الوقت اللي في ناس مش بتقدر تحقق ده ؟ الحقيقة ده سؤال مالهوش اجابة محدده رغم ان ناس كتير عملت دلراسات و ابحاث حولين الفكرة دي اللي هى ليه في ناس بتنجح في حياتها و ناس تاية لأ. كتير من الباحثين في الموضوع ده ابتدوا يدرسوا سلوك الناس اللي قدرت تنجح و حاولوا يلاحظوا ايه الحاجات اللي الناجحين في حياتهم بيعملوها في الوقت اللي الناس الاقل نجاحا في حياتها مش بتعملها.و اتضح ان في حاجات كتير منها العشر حاجات اللي جايين.

 عشر حاجات الناس الناجحين بيعملوها في الوقت اللي معظمنا ممكن ينساها.

1.      لا يعتمدوا على الآخرين بصورة زائدة
2.      تعرضهم لتجربة فاشلة ( زي خسارة في مشروع او طردهم من وظيفة ) لا يفقدهم الامل
3.      لا يعيشون في الماضي ( يعني تجاربهم الفاشلة السابقة بياخدوا منها الدروس المستفادة و يتقدموا في حياتهم من غير ما يقفوا عندها كتير )
4.      بيهتموا بأدق التفاصيل في عملهم
5.      مابيخفوش يعترفوا باخطائهم و بيتعلموا منها
6.      مش بيتخلوا عن افكارهم او احلامهم لمجرد انتقاد الآخرين ليها
7.      بيسعوا باستمرار وراء تعلم حاجات او مهارات جديدة ( مش بيقفوا عند نفس النقطة كتير )
8.      لديهم حس بمستوى قدلراتهم و امكانياتهم الحقيقية بدون ما يبلغوا فيها
9.      ما بتغروش بنجاحهم, لكن نجاحهم بيكون دافع عشان يستمروا اكثر
10.  دايمن عندهم plan B لكل حاجة بعملوها و عندهم مرونة في اتخاذ القرارات حسب متغيرات الظروف حوليهم

دي عشر حاجات الاشخاص الاكثر نجاحا بيحرصوا عليها. صحيح مش دول هما الاسباب الوحيدة للنجاح, لكنهم اكيد مهارات و خبرات مهمة في الحياة.

Posted by Unknown in

10 نصائح عشان تكون شخص ناجح في حياتك

خمس نصائح عشان تعرف تنجز في اليوم, كل يوم.

ارفع ايدك لو كنت من الناس اللي حاولت كتييييير جدا تنظم وقتها و فشلت ؟

لو سألت مجموعة من الاشخاص ايا كان عددهم كبير السؤال ده, تقريبا مش هتلاقي حد مرفعش ايديه .

وسط زحمة الحياة و التاسكات اللي بتطلب منا كل يوم ما بين الشغل و التقارير, و طلبات البيت و المدام, ده غير مشاويرك انت الشخصية, بقى صعب جدا تنظم وقتك و تعرف تنجز الحاجات دي كلها على الاقل من غير ما تكون خلصان آخر النهار و يا دوب تعرف توصل للسرير.

بس السؤال هنا هو ليه تنظيم الوقت حاجة صعبة او كده و كل الناس بتفشل فيها ؟ اجابة السؤال ده بسيطة لانه ببساة احنا بنلغبط دايما بين نوعين من الوقت. نوعين من الوقت!!!!! هو الوقت ليه انواع ؟

ايوه في نوعين من الوقت

 النوع الاول اسمه Clock Time  و ده الوقت اللي بنعرفه بان الساعة فيها 60 دقيقة و الدقيقو فيها 60 ثانية و هكذا. و ده النوع اللي احنا مالناش دخا فيه و ما نقدرش نتحكم يه, كل الساعات فيها 60 دقيقة زي بعض و كلهم بياخدوا نفس المدة.

النوع التاني من الوقت اسمة Real Time  و النوع ده من الوقت مش كله زي بعض , لكن بيختلف على حسب ادراكنا احنا ليه. يعني مثلا الساعة اللي حضرتك بتقضيها و انت بتعمل تقرير لمديرك و انت في يوم اجازتك بتختلف خالص عن الساعة اللي انت بتقديها في خروجة مع اصاحبك. الاولى بتبقى طويلة اوووووووووي و بتحس انها كدة 12 ساعة في بعض لكن التانية بتحس انها دقيقة مش ساعة بحالها ( خليك فاكر بقى الكلمتين دول عشان هنحتاجهم تاني كمان شوية ).

فاكر لما قولنا ان معظنا بيفشل في ادارة الوقت اهو السبب بقى ورا ده ان احنا بنحاول ننظم ال Clock Time  اللي احنا مالناش دخل فيه و بننسى الReal Time  و اللي هو اساس الانجاز في المهتم اساسا.

طيب يعني اعمل ايه بردو عشان اعرف انظم وقتي ؟

       1.      اول حاجة تعملها انك تخلي معاك  ورقة و قلم طول الوقت لمدة اسبوع و تسجل فيها كل تاسك عملتها خلال اليوم و اخدت منك وقت قد ايه ؟ من اول تقرير الشغل لغاية ما حضرتك وصلت للسوبر ماركت عشان تجيب علبة اللبن اللي طلبوها منك في البيت بعد اسبوع راجع اللي سجلته و بكده هيبقى عندك فهم اكثر للطريقة اللي حضرتك بتقضي بيها يومك.

      2.      شوف الحاجات اللي ممكن تكون بتضيع فيها وقت كان ممكن تستفيد منه اكتر. يعني مثلا حضرتك لاحظت ان في خمس مرات في الاسبوع بتعدي فيهم على السوبر ماركت عشان تجيب حاجة ناقصة للبيت او هما افتكروا حاجة و كلموك, وصلت السوبر ماركت دورت على ركنة نزلت و جبت الحاجة من الرف و وقفت عشان تحاسب و رجعت العربية . اختلك فيها من 20 دقيقة ل نص ساعة. يعني في الاسبوع ساعتين او ثلاثة في السوبر ماركت, طيب ايه رأيك  لو جمعت كل حاجة البيت ممكن يحتاجها في اسبوع و نزلت مرة واحدة جبتها مش كدة وفرت المراتت التانية اللي كنت بتعدي فيها على السوبر ماركت . وفرتلك ساعتين قيس بقى على باقي التاسكات بتاعت الاسبوع و شوم بقى ممكن توفر وقت قد ايه ؟

     3.      حدد وقت مش بس للشغل لكن كمان حدد وقت للراحة زي ما تاسك  الشغل بتحح ليه وقت معين و بتهتم تسجله في جدولك, كمان اهتم بالوقت اللي ترتاح فيه و حددله وقت في جدولك تمام زي الشغل عشان ببساطة تقدر تستمتع بحياتك و تستعيد طاقتك مرة تانية .

     4.      خليك متأكد انك مش ممكن تنجز كل حاجة عشان كدة ابدأ بانجاز الاهم و بعدين الاقل اهمية, بس خد بالك تحديد الاولويات ده فن و محتاج مهارة عشان تتقنه.

    5.      دايما في آخر كل يوم راجع االي انجزته و قيم طريقة ادارتك للوقت و اذا كان ممكن تنجز حاجات اكتر ولا انت فعلا انجزت كل ما يمكن انجازة خلال اليوم ده.

شوف الفيديو ده عشر نصائح عشان تنجز في كل يوم ..

تطوير الذات فيديو

Posted by Unknown in تطوير الذات, فيديو

خمس نصائح عشان تعرف تنجز في اليوم, كل يوم.